Облыс орталығында оқушылар арасында өңірлік пікірсайыс турнирі өтті. Бұл туралы Қоғамдық коммуникация орталығы хабарлайды. «Рухтан» қоғамдық қорының ұйымдастырған бұл іс-шараның мақсаты – жастардың ұйымдастырушылық, критикалық ойлау қабілеттерін дамыта отырып, еліне елеулі қызмет ететін болашақ көшбасшыларды дайындау және пікірсайыс технологиясы бойынша тәжірибе алмасу алаңын ұйымдастыру.
Оқушының жалпы саны – 50 спикер, яғни 28 фракция болып қатысты. Класстардың арасында шектеу болмады, жас ерекшеліктері де әртүрлі болды. Маңғыстау пікірсайыс академиясының төрайымы Мөлдір Оразбаева:- Біз «Рухтан» қоғамдық қорымен бүкіл ауыл-аймақты аралап турнирлер өткіздік. Осы шараны сол турнирлердің нәтижесі ретінде, балалардың деңгейін көтеру мақсатында облыстық деңгейде ұйымдастырдық, -деп мәлімдеді.
Бірінші, екінші, үшінші жүлделі орындарды иеленген өрендер – алғыс хатпен және кубоктармен, қосымша сыйлықтармен марапатталды. Үздік спикерлерге қосымша алғыс хат табысталды.
Свежие комментарии